U Montri Rangbah ka jylla, u Conrad K Sangma ynne da wai u yeiwa da pynchna thymme ya ka State Central Library deilang ka House of Ryndia wa em ha Shillong.
U Conrad hawa e yei klam da ong u wa kattu ha kani kawi ka thaw da em ka thaw wa pynneh pynsah yeiwa yongrim, ka thaw wow pynyoo ya ki yaaw yadai yathied wa ka thaw thooh stat ki bru.
Da ong u wa ha ka pyrthai wa katni da em i yaleh wow pynkylla dur noh ya ki Library yow yahaap ki wa i rukom im ki bru katni yow pynchlur leh yei myllien u puræ kot ka juk kawa katni khamtam kiwa dang khian.
Ka State Central Library toh kawa da wai ha ka 19 tarik u January 1974 wei em ko hapoh ka Directorate of Arts and Culture wei kat hadooh ka 1 tarik u March 2026, em ko palat 2 lak tylli ki kot wa boon jait wa kynthup nadooh ki Magazine, ki kot wa pynmih ka sorkar, ki kot khubor kiwa nadooh u snem 1970.
Da em ko kamwa 31,000 ngut ki Member wei kamwa 200 tylli ki kot toh kiwa chim ki bru yow rah cha yung ha ka chi sngi wei kattu waroh ini da pynthymme nadooh ki thaw booh kot, ki thaw chong puræ kot wa kiwi de heiwa da ye leh wow leh ya ka Online Membership Registration wei da em leh ka thaw wa kyrpang neibynta ki khynnah.
Yow pynchna thymme ya kani ka Library da yoh yarap ₹2.23 klur na ka National Mission on Libraries.
Discussion about this post