Lai yalap Election ka Ampareen cha Sahsniang deiwa ong wa da toh i por u yoh MP da kawa bien u yasaaid ha Parliament

Ka Dr. Mazel Ampareen Lyngdoh kawa man ka kyrtong MP ka NPP, ynne ka sngi da hiar ko sa ha chnong Sahsniang-A ka chnong wa dang haap hapoh ka Mowkaiaw Constituency wow yalap Election heiwa da pynlai ya ka yalang da u Duhki Ymbon, Waheh Chnong ka Sahsniang-A. 

Kiwa klam ha kani ka yalang toh u Lasting Suchiang, u Nehemayah Tyngkan, u Aibor Shadap, MDC, u Habahun Dkhar, MDC, u MLA ka Jowai, u Wailadmiki Shylla, u MLA ka Rarliang, u Comingone Ymbon wa kiwi kiwi.

U Nehemayah da ong u wa 10 snem nachwa da ngat u yei jynjar na i lai luti yong oo lyngba ka Congress, tangwa ini toh i por ya ka NPP wa da ih bha neibynta wow psiah cha kani ka Party. 

U Wailadmiki Shylla da ong u wa man iwa phylla heiwa kiwa boon kiwi ki party da beiñ wei pynbaad ki ya ka NPP, katwa ka Party won dang pdiang ko ya kiwa wan psiah cha ka.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Da ong u wa rap bha wow jied ya ka Ampareen neibhah manda poi ko ha i jop daw wanrah ko ya ki kaam pynroi kiwa daw wan poi cha kani ka thaaiñ. Da ong u wa lada yoh MP leh na ka NPP kamwa synchaar ya ka jylla daw rap suk u yaklam wow wanrah ya ki kaam pynroi lyngba ki Scheme wa har rukom na ka sorkar pyrdi.  

U Comingone Ymbon da ong u wa ym emkaam de wow pait cheiwon cheiwon neibhah ka Ampareen da em chwa ko ha ka Party NPP, deiwa e nongmuna ya ka Ri-loom Garo wa em ka Agatha Sangma.

Hawa klam chaphang uwa yahkhmat ka VPP, da ong u wa u Ardent man u uwa embhah tam wow yoh ya ka Nongkrem Constituency ka wym emkaam ya kiwi kiwi ki jait Scheme neibhah du na ka Scheme MLA leh da biang ki, tangwa cheini dang emkaam chiboon i myntoi nadooh ki Education Policy, ki Sports Policy wa kamtæ ter-ter.

Ka Ampareen da ong ko wa kam ka manbei man ko kawa chynna jngai ya kiwa duna hei yoh i laa wei ym yoh MP ki lada ym pynjop ya ka na ki 46 tylli ki Constituency wei daw pynyoo ko yei rukom kreh kam ka MP.

Da ong ko leh wa ka ymtoh wa kwah myntoi samen ko wow yakhun ya kani ka Election tangwa emkaam u tip ki paidbah wa ka yung yong ka toh kawa chakri ya ki paidbah.

Chooh chooh da ong ko wa da toh i por wa ka Shillong Constituency leh u em ki ya ki MP wa yasaaid ymtoh du na Tura Constituency.

Heijooh i por da ngait ko wa lada yoh ko yei jop daw lai yaklam ko ha Delhi ya iwa emkaam ka Meghalaya.