I lai kem ya ki 2 ngut toh da la luti ka aiñ hadien wa biang ki sakhi: SP

U Superintendent of Police ka East Khasi Hills, u Rituraj Ravi da khana u wa i kem ya ki ar ngut ki khynroo kiwa man leh ki dkhot yong ka KSU South Khasi Hills, toh hadien wa da biang ki sakhi satar.

Hei step synyaaw yong ka 1 tarik, ki pulit da lai kem ki ya u Shanborlang Shati wa ya u Mesadapbor Skhembil na ka chnong Wah Utim wa Saitsohpen hajrong i suba wa emkti hei chah bom yap ki 2 ngut ki Dkhar ha ka 27 tarik u bnai wa dep ha thaaiñ Ichamati.

Hajrong ini i kem, u SP da ong u wa nadooh wa sdang takit hajrong itai i cah pynyap da leh bait katkam ka luti yong ka aiñ.

Da ong u leh wa katwa dang lai chakhmat i takit da yoh ya ki sabut wa katkam ki sakhi wa iwi de iwa da yoh lum, wei toh hadien wa lai ka takit wei lyngba ki sakhi satar kiwa biang da kem noh ya ki arngut.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024

Hawa kylli hajrong i lai kem bru ki pulit heipor chiteiñ synyaaw, u SP da ong u wa ki pulit pyrchang ki wow kem ya kiwon kiwon kiwa suba heipor sngi tangwa em ki por wa kat hadooh wa ye u pyntikna wei da biang lut ki sakhi da poi cha i por wym yahaap de, wei kam kini teiñ teiñ jooh jia ki.