U Chief Minister ka Assam, u Himanta Biswa Sarma ynne da hiar u cha Kaziranga wow pait ya i thaw wa jia i tyrrah kari ynnin ka sngi heiwa kiwa yap da ku cha 26 ngut ha Golaghat District.
Ya u Himanta da synraan da u Health Minister, u Keshab Mahanta.
U Himanta da ong u wa ka Post-Mortem Examination yong ki 10 ngut toh iwa dadep wei kiwa sah daw pyndep myntu heipor kamwa 2:00 waje i sngi wei ya kiwa mynsoo da kit cha Jorhat Medical College and Hospital (JMCH).
Ki Doctor na Gauhati Medical College and Hospital (GMCH) leh da poi ki ha JMCH wow yarap sumaar ya kiwa mynsoo.
Da ong u wa da tipmit ya ki 25 ngut kiwa da yap wei da uwi da ngait toh uwa na Bihar.
Ya kiwa yap da tip kam ka Baby Karmakar, ka Darpana Majhi, u Jyati Majhi, ka Purnima Gowala, u Anurag Gowala, u Ranjit Khatuwal, u Sushil Bhumij, ka Sujata Tanti, u Jayanti Rabidas, u Lakhi Majhi, u Dipanjali Rang Pharphi, u Damini Ghatuwal, u Ganga Gowala, u Foizul Islam, u Abdul Rashid Ali, u Subhas Das, u Abdul Majid, u Faruk Ahmed, ka Mina Mizar, u Gulapi Begum, u Farzana Yasmin, u Md Ali, u Akhim Phukan, u Dipankar Gurung wa u Md Rafiq Ali.
Ini i tyrrah da jia i ha Rongajan, hajan Hathikuli Tea Estate u National Highway 715 ha Golaghat District heiwa kawi ka Minibus da tyrrah ko ya kawi ka Truck markhmat. Katkam i Video wa mih iwa riñ napoh ka Truck, da yoo ya kani ka Minibus wa dong ko cheiliang wa bakla deiwa tyrrah mam wa ka Truck kit mar kawa em boon chaka.
Kani ka Minibus toh kawa lai na Golaghat cha Nagaon wei ka Truck toh kawa lai cha Upper Assam.
U Senior Superintendent of Police (SSP) ka Golaghat, u Swapnanil Deka da ong u wa ka Minibus toh kawa da pynhær bha iwa da man pyrchah ya iwa da booh ha Kaziranga National Park.
Da suba wa uwa yah ka Minisbus ymye de u wow yah bait ya ka iwa da pynman ya ka wow tyrrah mar khmat wa ka Truck kawa wan mar pyrchah.
Discussion about this post