Beiñ ka Seiñ Kur Lamare Jaiñtia Pyllun ya ki bru thrang snaam wa pynyap ya u Rinal Lamare

Ka Seiñ Kur Lamare Jaiñtia Pyllun (KLJP) da pynsñiaw ko yei sñiawsih wei sñiawkhia wa joor hajrong i chah pynyap dusmon u Rinal Lamare (64 snem) uwa na ka chnong Barato, West Jaiñtia Hills iwa da jia ha ka 3 tarik uni u bnai.

Ka seiñ da beiñ joor ko ya kam kini ki bru thrang snaam ki wym salia wow pynkut yei mynsien wa kordor u bru wa lui lui. Hajrong ini, ka Seiñ Kur Lamare Jaiñtia Pyllun da kyrpaad joor ko ya ki bor yong ka aiñ lyngba ka chant pulit wow chimkhia yeini i kaam wei wow kem smat ya ki damok kiwa emkti ha ini i kaam pynyap bru wei wow pynchitom leh ya ki katkam ka aiñ.

Ka seiñ da phah ko leh ya ka khubor sñiawlem cha kiwa ha-yung ha-sem yong u (L) Rinal Lamare wei da kyrpaad leh ya u Blai Tre Kynrad uwa booh wa thaw wow kyrkhu kyrdoh ya ka yung ka sem yong oo.

Related posts

Sñiawngooh ka JNC wa bien ka sorkar wow pait yei thaw chna Nursing College ha West Jaiñtia Hills

November 13, 2024

Yoh wa ar wa hei wa le ka East wa West Jaiñtia Hills ha ka State-Level Science Mela

November 13, 2024