Pynkut uwi u khynroo yei mynsien hadien wa chah sai thok Rs. 2 lak na ka Bank Account u pa u

Uwi u khynnah khynroo uwa dang hapoh 18 snem uwa na Mumbai da pynkut u yei mynsien hadien wa chah thok u Rs. 2 lak ha ki bru wa chim kabu Online.

Ki pulit da pyntip ki wa uni u khynroo toh uwa na Nalasopara, Mumbai wei da dih u dei dawai siat khñiang.

Ini waroh da jia i heipor wa dang yaleh Online Game u ha ka Mobile Phone ka bei u wei da toh khnioñ u ha kawi ka Link wa poi lyngba ka SMS wei hadien ini da chah ah ka poisa napoh ka Bank Account u pa u. Uni u khynnah toh uwa dang puræ Class 11.

Hadien wa Click u ya ini i Link dapoi ka OTP haka Phone heiwa da thap u yeini ha i Link wei ki bru wa chim kabu da yoh ki wow psiah hapoh ka Phone yow tip chaphang waroh i jait wei da sai ki Rs. 2 lak.

Hadien wa chah sai poisa uni u khynnah da tieñ u chah mai ha ka bei u pa heiwa da murieh u yeini khlem da khana ya kiwon kiwon wei da dih u ya iwi i dawai Pesticide wa em ha yung wei da chem ka bei u oo heipor wa mih tyrthoo na ktien u.

Related posts

Yap uwi uwa suba kynthiar na ka yingkieñ ha Umiam

November 5, 2025

Beiñ ka MCTODA ya ki bru wa yakhun yow myntoi du para ki donhi katwa kiwa boon kiwa kamai Truck yap ki

November 5, 2025

Ka bei u da khut ko ya kiwa jan yung yow paan yarap wei da kit ya uni u khynnah cha Hospital tangwa ym ye de u yarap ya oo heiwa da khlaad noh u.

Neiliang ki pulit da takit ki ya ini kam ka Cyber Fraud Case.

Ki pulit da ong ki wa lada uni u khynnah pyntip u cha ki bei ki pa u, hapoh 24 kynta da ye u yoh biang ya kani ka poisa neibhah ki Bank leh chimkhia ki ya kam kini ki kaam wei bien ki wow leh yeiwa emkaam manda pyntip ki pulit cha ki wei kam kini ki kaam toh kiwa da joor bha i jia ha India katni heiwa nadooh ki khynroo hadooh ki tymmen cha thok ki.