Ka KSU Mawlai Circle ynnin ka sngi hadien wa tip ko dei tikna yei em ki baar jylla ha ki thaaiñ Mawlai, kamtæ da lai yang ki thij wei da yoh u ksoh ya kawi ka Bus kawa kit da ki phaw ngut ki baar jylla kiwa dang dep wan kreh mylla na ki thaaiñ Pynursla wei kiwa dang thmu won wow lai kreh mylla cha ki bynta waphær waphær yong ka nongbah Shillong wa kynthup cha ki thaaiñ Mawlai.
Hadien wa takit da chem wa waroh kini ki baar jylla toh ki wym biang ki kot ki sla khamtam ka Work Permit kawa toh u em ki wei neiliang ka seiñ da beh ko ya waroh wa toh u lai liwan ki cha Assam ka thaw wa wan ki.
Ka seiñ da maham ko wow pteiñ ko u beh ya kini ki baar jylla wa wan kamai khlem ki kot ki sla wei wow kdoh u khoom yei psiah i mih wa khlem da bood yaka aiñ.
Ka seiñ da maham ko leh deiwa che lyngba kani ka kyrwoh ya ki bru kiwa wan yah kam kini wa daw hap ki wow bahkhlieh ya iyi iyi i jia wa sñiawsih ha ka jylla waroh kawi.
Discussion about this post