U MLA ka BJP na Pynthorumkhrah uwa man leh u Montri sorkar, u Alexander Laloo Hek da beiñ joor u yei chah tynyap yong uwi uwa kreh mylla uwa na baar jylla uwa chong wa sah ha Nongmensong, heiwa da ong u wa kam kini ki leh bru khloo ymtoh wow e laad wei kiwon kiwon kiwa emkti toh u pynchitom katkam ka aiñ.
Da ong u wa kam ka sorkar toh u leh ko deiwa eh ya ki bru kiwa chim yaka aiñ ha kti deiwa tynyap syndon ya uwa kreh mylla uwa lui lui.
U MLA ka BJP da ong u leh wa ini i leh bru khloo ymtoh iwa dang katni, tangwa toh iwa da jia nadooh nachwa iwa da pynsarom yaka jylla neibhah i leh yong ki kattu katni da pynbood naam syndon ya waroh kiwa chong chnong ka jylla, hadooh wa ki bru na kiwi ki jylla daw kheiñ ki wa kiwa sah ha Meghalaya toh ki bru khloo baam doh bru.
Neiliang u Hek da ong u wa hajrong ini i jia daw thoh cha ka sorkar pyrdi khamtam cha u Union Home Minister, u Amit Shah wow leh iyi iyi yow kdoh u khoom ya kam kini ki leh bru khloo hapoh kani ka jylla.
Discussion about this post