Ka District Legal Services Authority, West Jaiñtia Hills District hapoh i pyrtuid ka NALSA da pynman ko yei pynsñiawthooh paidbah hajrong ka phang “Opening Doors for Education to Children/Campaign for School Dropouts” kawa man leh kam chibynta ka Child Friendly Legal Services to Children and their Protection Scheme, 2015 wa hajrong i hok ki khynnah neibynta ka Free and Compulsory Education, Act 2009.
Kani ka pynsñiawthooh paidbah toh kawa da pynman ynne ka sngi ha Amlarem yow tip ki paidbah chaphang i hok wa da e da ki aiñ kam ha i puræ puthi iwa dei mynkna kamjooh yow khut biang ya kitu kiwa da dam skur chiteiñ por.
Neiliang u Waheh Chnong ka Amlarem da pynsñiaw u yei kmen wa em kam ini i wan pynsñiawthooh paidbah chaphang i hok ki khynnah wei wow kyrsu khamtam ya kitu ki wym bien da u lai skur.
Neiliang u L.S. Khonglah, kam u muktiar da pynche u chaphang ka aiñ ‘Rights of Children to Free and Compulsory Education Act, 2009’ kawa toh chaphang wym hoi u dam u lai skur wei kamjooh leh i e sikai iwa dei mynkna neibynta ki khynnah wa em 6 snem hadooh 14 snem khlem da pait chiliang chynrang næ kynthai, kiwa neiwon næ jaitbru deiwa e yei stat wa laitlooid ya waroh.
Da yoh leh yei klam hajrong ka phang Poshan Scheme, SSA Scheme wa kiwi de na u H.C. Lamin, I/c SDSEO, Amlarem hapoh ka chnat puræ puthi heiwa da batai u chaphang ka Poshan Scheme kawa da wanrah ha waroh ki skur sorkar yow pyntikna wa ki khynnah yoh ki yei baam wa chait wa khiah.
Discussion about this post