Ka Akhil Bharatiya Vidyarthi Parishad (ABVP), Meghalaya ha ka 10 tarik uni u bnai da pynlait ko ya ki Poster kam chibynta ka ‘Voter Awareness Campaign’ yow pyntikna wa 100% u mih kiwa thap Vote ha kani ka Lok Sabha Election heiwa da emlang u ABVP National Media Convenor, u Ashutosh Singh, u Central Working Committee Member, ka Nibiang Sumer, u ABVP Meghalaya State Secretary, u Tengku M Marak, u State Joint Secretary, u Bam Singh, ka Shillong City Secretary, ka Fellinika Dkhar ha ka yalang wa da pynman ha yung krehkaam ka seiñ wa em em ha Shillong.
Hapoh kani ka pynsñiawthooh paidbah, kiwa lai puræ wa em hapoh ka ABVP daw lai ki wow saam ya ki kot lakdop cha kiwa thap Vote yow pynsñiawthooh deiwa pynman leh ki Seminar ha waroh ki District ka Meghalaya.
Neiliang u Ashutosh Singh da ong u wa ini man ko ka laad wow pynsñiawthooh ya ki khynroo yei hok yong ki wei yei emkaam wow mih lai thap Vote deiwa booh yaka thong wow mih 100% kiwa thap Vote.
U Tengku M Marak won da ong u wa ka synchaar paidbah man ko kam ka tamasa neibynta waroh wow lehkmen wei da yooluti wa da ini i lai pynsñiawthooh paidbah daw pynkupbor ko ya waroh wow jied ki ya u næ kyrtong wa yoo biang dooh ki heithaw u jied ya u NOTA.
Discussion about this post