Ka yung krehkaam u Sub-Divisional Officer (Election), Amlarem Sub-Division kam chibynta wow leh yaka Systematic Voter’s Education & Electoral Participation (SVEEP) Programme, ynne ka sngi da pynman ya ka ‘Vote for Democracy Expo 2024′, ha Thangbuli Community Hall nadooh 10:00 waje i step heiwa da em leh ka yaaw pynyoo ya ki mar wa chna namo ka Craft Fair, ka yakob rwai, ka yakob Quiz, ka rwai Karaoke neibynta waroh wei da wan leh wow pynwyrngia da ki District Icon ki “Chi Iung”.
Ya kani ka yalang da pynlai da u Gameliel L.C. Mylliem, Asst. Commissioner, Amlarem Civil Sub-Division, Amlarem uwa da e yei klam pdiang sñiawbha ya waroh kiwa ya emlang ha katai ka sngi.
Da yoh leh yei batai chaphang ki Mobile App wa pynmih da ka ECI na ka F.M. War, ASE wa na u Village Icon.
U kongsan ha kani ka sngi toh u Dr. Abhishek Saini, IAS, Sub-Divisional Officer (SDO) ka Amlarem Civil Sub-Division.
Hadien i klam u kongsan da chimkti u pynlai ya ka yalang da u R.E. Laloo heiwa kiwa chong chnong da chimbynta ki nadooh ka yakob rwai, ka Quiz wa kiwi kiwi de heiwa kiwa jop da yoh ki leh ya ki khusnaam.
Ha ka yakob rwai da yoh nyngkong u Sardis Dkhar, wa ar u Daman Chynman Suting wei hei wa le da yoh u Garry Ackerman Khonglah.
Ha ka Skill Exhibition da yoh nyngkong u Teibor Pohsngap na ka chnong Padu, wa ar u Kelvin Suting na ka chnong Moosakhia wei hei wa le da yoh u Bran Lyngdoh na ka chnong Madantyrpait.
Hawa kut neiliang ki District Icon ki “Chi Iung” da pynyoo ki yei yalehke kawa yatoh wow thap Vote deiwa khooid.
Discussion about this post