Ha ka 28 tarik uni u bnai, da yoh ya ka FIR ha Mawsynram Police Station heiyatoh ki chi kurim kiwa da wiar, kitæ ka Aijingsuk Kharbani wa u Kop Lapang.
Da pyntip wa ha ka 26-09-2026 heipor kamwa 3:00 waje i sngi da yoo ya ki ha yaaw Nongjri ka South West Khasi Hills District wei ym em de liwan yung ki.
Kamtæ da pyntip leh yeini cha u O/C ka Nonghyllam PS wei da pynman yei thooh ya kini ki chi kurim ha ka thaaiñ Nongjri tangwa ym em chem ki.
Ha ka 29 tarik won heipor kamwa 1:00 waje i sngi da pyntip da kiwa chong chnong ka Nongjri wa chem ki ya ki ar tylli ki metyap hapoh ka chnong Nongjri wei hadien wa wan kiwa ha-yung ha-sem da pyntikna wa kini toh u Kop Lapang (32 snem) uwa chong chnong ka Um Shaw, Ri Bhoi District wa ka Aijingsuk Kharbani (23 snem) kawa na chnong Pungkung, East Khasi Hills.
I metyap kini ki ar ngut toh kiwa da pyut bha wei da leh ya ka Post-Mortem pyn ha kani ka thaw wa chem ki wei da e kti won yei metyap cha kiwa emyatoh ki.
Neiliang ki pulit dang pynman ki yei takit yow chem yei daw wa jia ini waroh.
Discussion about this post