Ka Shillong All Faith Forum (SAFF) ynne ka sngi da kyntu ko ya ki paidbah wow pynneh ki yei chongsuk chong chngaaiñ wei wow kiar na kiwon ki kaam thombor næ ya umsnaam.
“I suk toh i dak wa u Blai em u wa i. Lada i em ya u Blai ha i, ha i da em i suk. I suk toh kayi kayi kawa u Blai kwah u wow e cha ki bru wa ki longbru manbru. I em i yei yaphær tangwa toh u man deiwa jai-jai,” da ong u Secretary ka SAFF, u Fr. Richard Majaw ha ka kyrwoh khubor.
Da ong u wa kam kiwa yahkhmat niam wa waroh ki dkhot yong ka SAFF ki yieñ ki neibynta i suk, i yajan wa i hok.
“I pynsñiaw i yei sñiawkhia wa joor hajrong i jia wa pynyap bru iwa da jia dang ini wa dep ha Ichamati wa Mawlai Mawroh,” da ong ka SAFF.
Ka SAFF da pynsñiaw ko yei yieñ skem wei da kyntu ya kiwa chong chnong wow pynneh ki yei chongsuk chongsaaiñ wa i yatoh iwa yajan hapyrdi waroh ki bru kiwa chong wa sah hapoh ka jylla wei wow kiar na kiwon kiwon ki kaam yachoon wei umsnaam wei hei lai chakhmat neibynta ka Election toh u man kiwa jai-jai wei kiwa bichaar bniah.
“I kyntu i yaka sorkar wa ya ki bor kiwa toh u pait wow yada yei mynsien kiwa chong chnong wei wow kdoh u khoom ya ki kaam ya umsnaam ha ka jylla wei toh u ya ksohkti lang hei wow booh yei duwai khnang wow ye u im dei suk wa dei kmen,” pynkut ka kyrwoh.
Discussion about this post