Uwi u khynroo da chah pynmynsoo u deiwa chah pam da ka wait iwa da jai ha Talegaon Dabhade, Pune District ka Maharashtra du neidaw wa booh u ya ka Mobile Phone Status wa ong “King Is Back”.
Uni uwa chah pam toh uwa dang 16 snem i rta uwa tip kam u Davendra Jadhav heiwa da chah pam u da ka wait ha uwi u bru hapoh kawi ka dukan dai that.
Katkam wa riñ ka CCTV da em le ngut ki chynrang heiwa ym tip wa lada ki le ngut toh kiwa wan deilang heiwa uwi na ki toh uwa rah wait uwa pam ya u Davendra katwa kiwi ki ar ngut da pait ki wei uwi na ki da chynna wa tieñ u hadien wa yoo yeini wa jia.
Ka khubor da ong ko wa ini i dukan toh iwa em ha Shivaji Chowk, wei u Devendra da kreh u ha kani ka dukan.
Ha i Video da yoo wa da chah pam u na khlieh, na rdang na tympha wa na ryngkhi boonsien bha hadooh wa poi u cha lait ka dukan wei hadien ini da em wa kit ya oo cha Talegaon General Hospital, yow yoh yei sumaar.
Uwa emkti wow pam leh toh uwa dang hapoh 18 snem wei ini waroh da jia i hadien wa em kawi ka kaam pynyap bru kamwa le bnai nachwa heiwa uwa chah pynbaad wa emkti toh uwa dang khian rta wei manda yoh u mih wow mih na patok, neilang u Davendra da lai u wow chondur wa oo deiwa thoh wa ki kyntien wa ong “King Is Back” kam i Status ha i dur.
Ini da pynchrai ki ya ki lok uwa chah pynyap kiwa da lai cha i dukan wa kreh u Davendra yow pam oo da ka wait ha ka 20 tarik uni u bnai.
Neiliang ki pulit da kem ki ya uni uwa pam ya u Davendra deilang uwa yah kari ya oo uwa lai booh oo cha kani ka thaw wa jia kamjooh yow kit oo manda dep u jia.
Discussion about this post