Kyntu ki pulit wym toh u ngait yei Video wa ong wa chah leh pynsih i skur Catholic ha Meghalaya

Neiliang ki pulit ka Meghalaya da kyntu ki ya ki paidbah wym toh u ngait yei Video wa da pynpoor ki bru ha ki Social Media khamtam ha u WhatsApp heiwa da kam wa da chah dat moo, chah leh pynsih kawi ka skur Catholic wa em ha Meghalaya.

Ki paidbah wa da smat wow pynpoor ya kini ki Video da ong ki wa ini toh iwa jia ha Khanapara.

Tangwa ki pulit da ong ki wa ini toh i tok suda wei ym em jia kam ini ha Meghalaya.

Ha ini i Video da em ki bru wa kbai Jai Shree Ram wei da dat moo ki yei dur ka Mother Teresa wa em ha lait neitæ hapoh kani ka skur da tympiah ki leh ya ki yit yong ki kamra kani ka skur.

Hawa tooh bniah ya ini, da chem toh iwa da jia ha jylla Telangana ha kawi ka skur wa tip kam ka Blessed Mother Teresa High School heiwa ki bor pynlai ka skur hadien wa yoo ki wa em ki khynnah wa wan skur deiwa sap da ki riam rong chirmit (Saffron) heithaw wa sap da ki riam namo ka Uniform ka skur, da phah ki ya ki bei ki pa kini ki khynnah wow wan cha skur.

Ini da pynchrai i ya ki bru kiwa da wan cha kani ka skur wow tympiah ya ki yit wei da dawa ki leh wow paan maap kani ka skur.

Related posts

Thung ka lieñsuiñ ka Amazon dei khmut heipor wa hiar deiwa tyrrah leh ya ki kari | Yap 5 ngut

September 7, 2026

Haap i yung wa em boon kiwa lai puræ wa sah ha Delhi | 5 ngut wa yap da ki dorjon wa dang wiar

September 6, 2026

Ini i skur toh iwa em ha Mancherial Distrtict ha i chnong wa tip kam i Kannepalli iwa jngai kamwa 250 Km na Hyderabad.

Neiliang ki pulit da pynngat ki ya u Principal wa u School Corresponent hapoh ka Section 153(A) wa wanrah ki yei sñiaw yaphær niam wei jait jaitbru waka Section 295 (A) wa ktah yei sñiaw yong niam.