I lai i wan ki rel hajan Guwahati lyngba ka Northeast Frontier Railway (NFR) da thut noh i hadien wa noh ka rel Kolkata-Sairang Express hajan Digaru Railway Station, Assam iwa da pynslem ya kiwa boon ki rel.
Ini i noh ka rel charood da jia i heipor 6:54 AM katwa ka Train No. 13125 Kolkata-Sairang Express dajan poi ko ha Digaru Station wow e luti ya kiwi ki rel u lai.
Ki heh ka Northeast Frontier Railway da ong ki wa u Pilot ka rel ymye u wow pynduna ya ka Speed ka rel kamtæ da noh ko na ki luti rel charood wei ha ini i jia ym em wa mynsoo.
Ka Train No. 12067 Guwahati-Jorhat Town Jan Shatabdi Express da hap pynsangeh ya ka ha Panbari, katwa ka Train No. 15627 Coimbatore-Silchar Express won ha Panikhaiti neidaw wa chah ktah ka luti.
Ki heh ka chnat Railways wa yahkhmat da u General Manager ka Northeast Frontier Railway leh dapoi ki ha Digaru wow pait ya ki kreh wow pynchna ya ka luti.
Discussion about this post