Ka lympung yalehke wa tip kam ka District Cricket League 2024 wa da pynlai da ka West Jaiñtia Hills District Cricket Association ha Khliehtyrshi Mini Stadium ynne da man ko hapyrdi ka Ummulong Cricket Club waka West Jaiñtia Police Cricket Club (WJPCC).
Yaka kylla-khlem da jop da ka Ummulong heiwa da jied ko u Bat nyngkong, heiwa da ye ko u kamai 265 Run na ki 35 Over deiwa dooh 8 Wicket deiwa Bat bha u Heimonlang Lyngdoh uwa da yoh 82 Run na ki 43 bol, u Chongtre Iman Lamare uwa yoh 51 Run na ki 36 bol wa u Heisniawlangki Lamare uwa yoh 47 Run na ki 50 bol, katwa neiliang ka WJPCC da ka bol kiwa lehbha toh u Ram Ksoo uwa yoh 4 Wicket na ki 7 Over wa u Khaljeng Marak uwa yoh 3 Wicket na ki 7 Over.
Ka WJPCC hawa kdong yei thong da ye ki u yoh 113 Run na ki 27.4 Over heiwa da dooh ki waroh ki Wicket. Kiwa rap Bat bha na ki toh u Ishan Siangshai uwa yoh 37 Run na ki 67 bol, katwa kiwa kawang bol ka Ummulong wa da lehbha toh u Wellmanson Passah uwa yoh 4 Wicket na ki 5 Over wa u Heimonlang Lyngdoh uwa yoh 3 Wicket na ki 4 Over.
Kamtæ ka Ummulong Cricket Club da jop ko da 152 Run.
Ya i naam Man of the Match da yoh da yoh da u Heimonlang Lyngdoh yong ka Ummulong Cricket Club.
Discussion about this post