U Montri ka chnat Puræ Puthi ka jylla, u Rakkam A Sangma ynne da pyntip u wa da jan pyndep yaka State Education Curriculum kawa man kam ki lynnong kot ya ki khynnah skur ka jylla wei da yooluti wow pyndep ka hapoh ar bnai.
Da ong u wa ka chnat da jan pyndep ko ya kani ka State Education Curriculum wei ki Subject wa kongsan kam ka Science wa Mathematics u man salonsar ki ha waroh ki skur ka wow yahaap leh katkam ka National Curriculum Framework.
Kamtæ ong u wa deiwa bood yaka National Curriculum Framework hapoh ka jylla daw thap lang sa kiwi kiwa yatoh waka jylla nadooh wow puræ yei tem i put, chaphang ka riti dustur, chaphang ka Sixth Schedule kiwa daw hap noh u puræ hapoh ki skur.
Da pynche u wa ym pynkylla yaka National Curriculum wei yeini da leh yow ya ryngkat waka ri waroh kawi khamtam haka kyrdan Higher Secondary.
Chooh chooh ka New Education Policy leh pynksan ko wow pynkrehkaam ya ki Education Curriculum.
Hadien ka jylla Assam, ka Meghalaya leh da pyrkhat ko wow booh kyndon wow pynstiñ ya ki muna skur ki khynnah.
Discussion about this post