Kyntait ka BSF yei tympiah kari wei dat bru ha Sonapyrdi

Heiyatoh wa iwa jia wa tympiah ki BSF ya ki yit kari wei da chah dat leh le ngut ki bru iwa da jia ha Sonapyrdi haka 21 tarik uni u bnai, neiliang ka BSF da pynche ko wa ini toh iwa da chna thok donhi da ka KSU.

Ka BSF da ong ko wa ha katu ka sngi da pynsangeh kari ha Sonapyrdi Mobile Check Post wei da ksoh ki ya soo tylli ki kari kiwa kit chini kiwa wan neiliang Ladrymbai yow lai cha Kuliang-Umkiang wei manda phah pynyoo ya ki kot ki sla yong ini i chini, kini ki bru da yut ki deilang wa ki kari.

Neiliang ki BSF da sdang ki wow kdong wei da yoh u kem ya kawi na kini ki kari hajan ka yingkieñ Shymplong tangwa uwa yah da yut noh u.

Hadien ini da wan u deilang wa kiwi kiwa da muaid kiwa da sdang wow kyrha ya ki BSF kiwa em ha Sonapyrdi Check Post wei da maham ki leh wow dat ya ki BSF.

Related posts

Yap 3 ngut hadien wa phah ka Google Maps wow lai na ka yingkieñ ka wym pu dep chna

November 25, 2024

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Ka khubor na ka BSF da ong ko wa da yaklam wa kini ki bru yow pynjai-jai ki wei yaka kari wa yoh u kem deilang wa i chini da e kti cha ki bru ka Customs wei ha ka sngi wa bood da lai yachem wa u waheh chnong ka Shymplong wa Sonapyrdi yow chem ya kini kiwa emkti wei wow pynche leh yei maa na i khayi tooh ya ki mar.

Ya ini waroh wa jia da pyntip leh cha ki pulit ka Umkiang wa cha u SP ka East Jaiñtia Hills District.

Ka BSF da pynbaad kylla ko yaka KSU kawa da pynmih khubor ya ini wa jia deiwa ong wa deilang wa kiwi ki seiñbhalang pyrchang bait ki wow pyndik ya ki BSF deiwa pynbaad kut jait kut sker wei ki dur wa da phah cha kiwa thoh khubor toh kiwa da chna thok.