U kyrtong MP ka Congress uwa man leh u President ka MPCC, ynne hawa yaklam wa kiwa pathai khubor da ong u wa ka ha kani ka kynti ym kynjoh de ka VPP kamwa man ha ka Election MP ha u 2024 neibhah wa da kular ko chiboon tangwa hei sakhiat man i mar dei kangtleiñ.
Da kdaw u wa ka VPP da kular ko yei wym e ya ki Trading License cha ki baar jylla tangwa katkam wa man katni da sakhi wa yoo wa yoh Trading License ki baar jylla wot ha NEIGRIHMS deiwa pynrap wa ym em phær iwon iwon nadooh wa em ka VPP.
Da ong u leh wa em chiboon i yooluti ki paidbah na ka VPP wow yoh khih yoh kreh tangwa katkam wa man katni iwa kangtleiñ khamtam nadooh wa kam ki wow pynkylla ya ka Reservation Policy heiwa da kular ki deiwi tangwa katni chah ktah ki jaitbru Khasi Jaiñtia.
Da pynrap u leh wa ki khynroo ka jylla da man ki kiwa sñiawthooh yeini waroh khamtam heiyatoh wa ka VPP heiwa ym yoh de ko ya ka Vote kamwa yoh ko heipor wa dadep.
Discussion about this post