Nadooh ka 24 tarik u sdang i khang kiad ha West Jaiñtia Hills

U District Magistrate ka West Jaiñtia Hills District da pynbna u ya ki sngi khang kiad hapoh waroh kawi ka District iwa daw sdang nadooh 4:00 waje noh chariñ ka sngi haka 24 tarik hadooh wa kut ka thap Vote haka 26 tarik uni u bnai ha jylla Assam.

Ki Constituency ka Assam toh kiwa em leh hapoh ka Phase-2 ka thap Vote, kamtæ yow pyntikna wa i thap Vote man i iwa laitlooid wei wa lai bait lai ryntih da pynbna da kini ki sngi khang kiad.

Kamtæ waroh ki dukan dai kiad nadooh kiwa dai yonglang, kiwa dai khutia deilang ki Bar, ki Canteen, ki pata kiad u man ki kiwa khang ha kitai ki tarik wa da kdaw haneiñ.