U SP ka Ri-Bhoi District da pyntip u wa uwi u bru wa tip kam u Rudra Rabha uwa da chah kem wei chah takit ha ki pulit ka Khanapara Police Station heiyatoh wa ki kaam lute bru, ki kaam maham pynyap bru, da pasi u ya idæ hapoh thanat.
Uni u bru wa da chah pynngat hapoh kiwa boon ki kyndon ka IPC deilang waka aiñ Arms Act, man u leh u heh ki damok kiwa ya krehlang wow lute, u tooh, u maham bru wei da pynemkaam ki leh da ki tiar yasiat wei da yoh wow kem oo haka 24 tarik uni u bnai.
Hadien wa yah oo hakhmat ka yung bichaar haka 25 tarik, da phah wow kset ya oo 5 sngi ha kti ki pulit yow takit ya oo heiwa da phla u leh wa em u ya kawi suloi wa da chna hi kawa da murieh u ha iwi i khloo wa em haka thaaiñ Ranibari wei da yah u leh ya ki pulit cha ini i thaw heiwa da yoh u kem ya kani ka tiar yasiat.
Ya uni u bru da li yah biang cha Khanapara PS heipor 1:05 ynne i step synyaw yow kset oo neidaw wym em thaw kset ha Rani Jirang BOP.
Tangwa ynne heipor kamwa 4:00 waje i step, da chem wa uni u bru da pasi u ya idæ deiwa pynemkaam da ka that kawa da kdoh u ha ki nar ka dwar thanat wei da suba wa kani ka that toh kawa pynjæd u naka Blanket wa da booh hapoh ka thaw kset ya oo.
Heiyatoh wa ini, da thung da u Executive Magistrate da ka yung krehkaam u DC yow leh yeiwa emkaam wei da wan leh u Doctor heiwa da riñ dur wei da chondur ya ini i thaw wa jia.
Discussion about this post