Ka Shillong Lajong FC da man ko ka liang wa le wa psiah Semi Final ha kani ka Shillong Premier League 2023 deiwa jop da 4-0 yaka Sawmer SC ha ka yalehke wa da pynman ha SSA Stadium, First Ground, Polo, Shillong ynne.
Hadien wa yalehke ynru sien, ka Lajong da yoh ko 12 Point iwa duna chi Point yaka Mawlai SC kawa em hei wa ar. Ka Sawmer da neh ko deiwa yoh 3 Point wei da kut ka lai luti ko yow yoh laad u psiah Semi.
Ya ki kool ka Lajong da thap ar tylli da u Wadajied Kynsai Ryngkhlem (18’, 77’), neitæ u Deibormame Tongper (14’) wa u Gladdy Kharbuli (24’) wei kani ka yalehke leh man ko ka sien wa nyngong ha kani ka samoi wym em chah thap kool ka Lajong.
Ka yalehke wa bood u pynman haka 29 tarik hapyrdi ka Rangdajied United FC waka Langsning FC heipor 3:15 i sngi. Ka Rangdajied toh kawa da yoh nygkong chwa katwa ka Langsning daw kwah ko u jop yow pyntikna wa yoh ko yei thaw haka Semi Final.
Discussion about this post