Ka 1st Education Fair kawa ar sngi wa da pynman ha North Liberty Higher Secondary School Jowai da ka TSL Events Jowai, da sdang yaka ynne ka sngi ha pchem kani hi ka skur wei daw pteiñ yaka mynstep ka 4 tarik nadooh 10:00 waje i step hadooh 5:00 waje i janmiet.
Ki thaw puræ namo ki Institute kiwa da wan chimbynta toh ka Royal Global University Guwahati, ka MIT University Shillong, ka Chanakya University, ka R.R. Institute of Technology, ka Assam Down Town University, ka Indoglobe Institutions Bangalore, ka Parul University waka Alliance University.
Ha kani ka Education Fair ki khynnah naki skur waphær ka Jowai da yoh myntoi ki deiwa yoh laad ki u tip u sñiaw lyngba i pynche da kiwa mihkhmat na kini ki Institute yaki jait puræ wa boon jait wa ye ki u lai u jied katkam wa sñiawsuk wei sñiaw yatoh ki.
Ki khynnah da yoh laad ki leh wow paan pynche yei wym sñiawthooh ki wei da yoh ki leh yei syllok na kini kiwa mihkhmat kini ki chlem lai puræ.
Neiliang kiwa pynman ya kani ka Education Fair da khut ki ya kiwi leh wow wan ki mynstep yow lait u sepai kani ka kabu ksiar neibhah kani ka Education Fair man ko dei mynkna ya waroh kiwa wan nadooh kiwa dang lai skur, kiwa lai College, kiwa lai puræ Under Graduation, Post-Graduation wei da khut sñiawbha leh ya ki bei ki pa ki khynnah.
Discussion about this post