Ka Kiang Nangbah Govt. College, Jowai lyngba ka Department of Physics da pynman ko yaka Enrichment Programme hei dur yong ka Practical Demonstration haka 3 tarik uni u bnai ha Physics Laboratory ka College deiwa khut sñiawbha yaki khynnah Class-X na ki san tylli ki skur kiwa em hapoh Jowai.
Kini ki khynnah da wan ki mar 10 ngut na kawi ka skur deilang wa kiwa sikai wei ki skur kiwa da wan wow embynta toh ka Marian Hills Hr. Sec. School, Jowai, ka St. Mary Mazzarello Girls Hr. Sec. School, Jowai, ka K.J.P. Synod Mihngi Hr. Sec. School, Jowai, ka Govt. Boys Hr. Sec. School, Jowai waka Govt. Girls Hr. Sec. School, Jowai.
Ha kani ka Practical Demonstration namo u pynyoo yei krehkaam kiwa boon jait kiwa yatoh waka Physics da pynyoo da kiwa puræ B.Sc 4th wa 6th Semester (Physics Honours), kiwa da batai yaki Experiment wa da leh hapoh ka Physics cha kini ki khynnah skur yow suk ki u sñiawthooh chaphang ka Physics wa i rukom krehkaam ya iwa da puræ ki ha ki kot ki sla yow bang ki leh wow puræ chaphang kani ka Subject.
Da sdang ya kani ka sngi deiwa em ka yalang wa pynlai da u Asst. Prof., u Dr. D. Suchiang wei da yoh yaki kyntien pdiang sñiawbha na u, T. Bamon, Head Of Department, i klam na u Asst. Prof., u R. Nanghuloo kamjooh ki kyntien e khublei naka Sr. Lecturer, ka H. Passah.
Hadien wa da wai ka yalang, ki khynnah Class-X na ki skur waphær waphær da yoh laad ki u lai pait wei wow chah ckhoor yei batai na kiwa lai puræ B.Sc kiwa da pynyoo da ki Experiment waphær waphær wei da jubab ki leh yeiwa da kylli ki khynnah.
Da pynwai deiwa e khublei yaki khynnah wa kiwa sikai yong ki kiwa da wanlang.
Discussion about this post