Sdien phasi kawa lai puræ Polytechnic hapoh kamra Hostel

Kawi ka khyllood wa lai puræ ka Shillong Polytechnic da pynkut ko yei mynsien deiwa sdien phasi hapoh ka kamra yong ka Hostel wa sah ko.

Yeini wa jia da chem ynne i step ka 6 tarik wei kani kawa da khlaad toh kawa tip kam ka Diana CH Marak kawa dang 24 snem i rta kawa na Babupara, Tura, West Garo Hills District kawa puræ ha Shillong Polytechnic, Mawlai haka kyrdan 4 Semester Civil Engineering.

Kiwa pait yaki khynnah katai ka Hostel ki kynthai deilang wa u Chowkidar kani ka Hostel, da khana ki wa da sñiaw wa rap phær wa em iwa jia neidaw wa yoo ki wa wiar ki ksaw wa jooh em ha pchem kani ka Hostel, kamtæ da khai ki wow lai pait heipor 2:00 waje i step wei da chem wa katai ka kynthai da sdien phasi ko.

Neiliang yong ki da pyntip ki wut wut cha ki pulit wei neiliang ki bor pulit da wan ki wow pynman yei takit wei wow chimkti yei met wei da pynkit noh cha Civil Hospital Shillong yow leh yaka Post-Mortem.

Related posts

Kynthiar ka khynnah skur wa dang 9 snem na ka mala wa soo ka sur hadooh wa yap | Chah pynbaad ka skur wa murieh ki yei sabut

November 2, 2025

Kynmoo tympang ka Balang Catholic Jowai yei mynsien kiwa da khlaad kam chibynta ka All Souls’ Day

November 2, 2025

Neiliang u W.L. Warjri, Additional Director uwa man leh kam u Principal da pynsñiaw u yei sñiawsih wa khroo wei ym tip yei daw wa kani ka khyllood da pynkut ko yei mynsien.

Da phah u leh ka khubor sñiawlem cha ka bei u pa wa cha ka yung ka sem kani ka kynthai.