Lada toh wa ka sorkar BJP kohngooh ko ya ka Supreme Court ym mih i huri hura ha ka SIR: Dr. Kharlukhi

U MP warim ka Rajya Sabha, u Dr. Wanwei Roy Kharlukhi da ong u wa lada ka sorkar India leh ko kamwa da phah da ka Supreme Court ya ka rukom thung næ jied ya u Chief Election Commissioner wa ki Election Commissioner ym mih ka kynrum kynram kamwa da mih hei pynkrehkaam ya ka Special Intensive Revision (SIR).

Da ong u wa hadooh u snem 2023 ym em aiñ hawa yatoh wa ka Election Commission of India, wei neidaw wym em ka aiñ ya u Chief Election Commissioner da thung da u/ka President ka ri katkam wa da tyrwa u Prime Minister wa ka dhab ki Montri.

Related posts

Hadien wa pyndep ya ka SIR poi kiwa thap Vote 2,13,130 ngut ha West Jaiñtia | Boon dooh ha Nartiang Constituency

October 26, 2026

U Paul man u kam u sing uwa da mynsoo | Ka UDP ym kut ko: Vincent

October 26, 2026

Kamtæ da ong u iyi wa jia, da em ka Case ha ka Supreme Court ha u snem 2023, wei lada toh wa kani ka sorkar wa yahkhmat ka BJP u ap ko yeiwa phah ka Supreme Court ym mih i kynrum kynram kamwa da mih kattæ hawa yatoh wa ka SIR.

Katkam i ong u Dr. Kharlukhi, ka Supreme Court da phah ko wa neibynta u jied næ thung ya u Chief Election Commissioner wa ki Election Commissioner toh u embyntalang u Prime Minister ka ri, u Leader of Opposition ha Parliament wa u Chief Justice of India, tangwa iyi wa jia ha u December 2023 ka Parliament da wanrah ko ka aiñ wa ya u CEC wa ya ki EC toh u jied da næ thung da ka Committee wa emlang u Prime Minister, u Leader of Opposition wa ka dhab ki Montri, wei ini da pynyoo che wa em i duna wa khroo neibhah wa u Leader of Opposition samen da chah tam paaid lypa u.