Ka Akhil Bharatiya Vidyarthi Parishad (ABVP), Meghalaya da pynsñiaw ko yei sñiawkhia yei rukom pynman yaka NEET-UG 2024 Exam ha Jowai Centre kawa da pynman ha St. Mary Mazzarello Girls Hr. Sec. School heiwa kiwa yaleh Exam da yoh ki artylli ki Question Paper kiwa em pyrtuid QRST wa MNOP kiwa phær bak-la-bak iwa da pynkulmar ya kiwa yaleh Exam.
Neitæ ym em leh chim yaki Admit Card kiwa yaleh Exam kamwa da jooh leh man-u-snem wei du hadien wa da liwan cha yung da chah khut ki wow wan pynuiñ yaki Admit Card hadooh wa kiñkhlieh ki khynnah.
Hajrong ini, neiliang ka ABVP da kyntu ko yaka National Testing Agency (NTA) wow pynche smat yeini wa poi ar tylli ki Question Paper wei da dawa leh wow pynche yeini wa kawon ka Question Paper kawa toh wei kawon kawa bakla.
Lada jia wa kini ki ar tylli ki Question Paper wa poi ha Jowai Centre toh kiwa phær, neiliang ka ABVP da dawa ko wow pynman biang ya kani ka Exam yow pynneh yei burom ka NEET-UG 2024 Exam kamjooh i rukom pynman.
Ka ABVP da kyntu ko leh yaka NTA wow chim smat yei rai wei wow chimkhia ya ini wa jia yow yoh laad kiwa yaleh Exam yei hok yong ki.
Discussion about this post