Kiwa yaleh yaka Higher Secondary School Leaving Certificate (HSSLC) 2024, Science Stream wa pynman da ka MBOSE da lehbha ki ha uni u snem deiwa yoh 85.24% ka Pass Percentage heiwa ha ki soo snem wa da lai ym pu jooh em tam 80%.
Waroh kiwa da yaleh da em 3766 ngut heiwa kiwa lait da em ki 3210 ngut wei na kini kiwa boon dooh toh na East Khasi Hills kiwa em 1855 ngut wei kiwa Pass won 1682 ngut iwa mut 90.67%.
Kiwa duna dooh toh ha South Garo Hills wa em 18 ngut kiwa yaleh katwa kiwa Pass won da em ki 14 ngut iwa mut 77.78%.
Ha West Jaiñtia Hills kiwa yaleh da em ki 483 ngut katwa ki Pass won 404 ngut iwa mut 83.64% neitæ ha East Jaiñtia Hills kiwa yaleh da em ki 49 ngut katwa kiwa Pass won 47 ngut iwa dapoi 95.92%.
Hei wa ar wa boon dooh kiwa yaleh toh ha West Garo Hills kiwa em 642 ngut katwa kiwa Pass won 485 ngut iwa mut 75.55%.
Ka District wa yoh 100% ka Pass Percentage toh ka South West Garo Hills heiwa waroh 31 ngut da lait ki ka kani ka Exam.
Deiwa kheiñ kiwa boon dooh kiwa Pass na waroh kiwa Pass, ka East Khasi Hills da yoh bhah ko 52.39%, hei wa ar ka West Garo Hills 15.11% katwa hei wa le toh ka West Jaiñtia Hills 12.59%.
Deiwa kheiñ ya kiwa yaleh Regular ki kynthai wa Pass da em ki 1,778 ngut katwa ki chynrang won 1,207 ngut.
Waroh kiwa yoh 1st Division da em ki 1295 ngut, kiwa yoh 2nd Division 1597 ngut katwa kiwa yoh 3rd Division da em ki 145 ngut.
Napoh Ri-loom Jaiñtia ki skur wa yoh 100% ka Pass Percentage toh ka Adventist Higher Secondary School, ka Khliehriat Higher Secondary School waka North Liberty Higher Secondary School.
Discussion about this post