U Prime Minister ka ri, u Narendra Modi hawa thap pyrtuid u kam u kyrtong MP ka Lok Sabha Election 2024 na Varanasi Parliamentary Seat, haka Affadavit u da ong wa ym em thaw u hei pyrtuid yong oo, ym em yung u wei ym em u leh ka kari.
Ki tiar ki tar wa em u toh kiwa chongdor Rs. 3.02 klur wei ka poisa wa em u ha kti toh Rs. 52,920 donhi.
Ka Affidavit u Modi da pynyoo ko wa ka poisa wa em u ha ka SBI NSC Branch, Gandhinagar toh Rs. 73,304, ha SBI Shivaji Nagar Branch won Rs. 7000 tangwa ka Fix Deposit won Rs. 2,85,60,338 ha SBI.
Da em u leh ka National Savings Certificate kawa Rs. 9,12,398 neitæ ki sahkti ksiar soo tylli kiwa chongdor Rs. 2,67,750 wei hadien wa dep u kheiñ yaka dan Income Tax da chongdor iwa em u Rs. 3,33,179 wei deilang waroh nadooh ki tiar ki tar wa em u deilang waka poisa da chongdor Rs. 3,02,06,889.
Ha kani ka Affidavit da pynyoo wa da pyndep u ya ka SSC Exam na SSC Board Gujarat ha u snem 1967, ka BA na Delhi University, Delhi ha u snem 1978 katwa yaka MA da pyndep u na Gujarat University, Ahmedabad ha u snem 1983.
Ka sngi thap Vote ha Varanasi toh ha ka 01-06-24 hapoh ka Phase 7 ka thap Vote.
Discussion about this post