Ka KSU Hingaria Unit kawa haap hapoh i pait yong ka KSU East Jaiñtia Hills District Unit ynne ryngkat i ya krehlang wa ki dorbar chnong deiwa emlang u waheh chnong ka Hingaria, u Samson Lamin, u waheh chnong ka Borghat, u Kyrmen Swer, u waheh chnong ka Nadbor, u Lap Suchen wa u D. Lamare da lai booh dorkhat ki ha u Chief Executive Engineer PWD Road ha Shillong yow dawa pynchna noh ya u sarok na Lama chadooh Wah Prang Hingaria.
Uni u sarok toh uwa da sih bha, uwa da jæd da pai uwa da booh hei eh hadooh kattæ kattæ ya ki paidbah yong ka thaaiñ khappood hi waroh kawi.
Ki chnong kiwa pynemkaam ya uni u sarok toh ka chnong Lama, Borghat, Nadbor, Demlakang, Pdei, Wah Khynriam, Kwator, Hingaria ter ter chadooh Sonapur.
I eh toh khamtam heipor wa kjut wa chitom yow kit ya kiwa emkaam yow pynpoi smat cha ki thaw sumaar tangwa neidaw wa sih palat u sarok da em leh kiwa da khlaad ha chiteiñ luti du neidaw wa sih u sarok.
Sa iwi toh ka yingkieñ nar kawa da sih bha kawa pynyabi ya ka East wa West Jaiñtia Hills District wa em hapoh ka chnong Borghat kawa da chna nadooh ki por ka GREF wei hadooh katni ym pu em pynchna ka, kamtæ ka seiñ da booh ko dei thoh wow chna thymme noh da kawi khnang yow man chngaaiñ i lai i wan ki paidbah khamtam dooh ya kiwa kiwa pynpoi ya ki mar rep cha ki yaaw ki haat yow ye ki u kamai ja-kpoh neibhah kani ka thaw toh kawa dang sahdien bha.
Neiliang ka seiñ deilang wa ki dorbar chnong da kyrpaad ki leh ya ka MLA wow sñiawbha ko wow booddien yeini i kaam yow man i iwa jop.
Discussion about this post