Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

Ki pulit ka Manipur ha ka 24 tarik da yoh ki wow kem ya ki 17 ngut kiwa suba toh ki Militant kiwa na ki ar tylli ki seiñ Kuki kiwa pynleh wa man ki kam ki dkhot wa da tipmit (Registered Cadres) hapoh ka soskular Suspension of Operations (SoO) kawa da yasoi wa ka sorkar pyrdi ha u August 2008. 

Ki pulit ka Manipur da pyntip ki wa ka Quick Action Team yong ka Central Reserve Police Force (CRPF) wa ka Commando Battalion for Resolute Action (CoBRA) da lai kynreh ko ya ka Sinai Camp kawa man kam ka SoO Camp kawa da booh kyrpang neibynta ki Kuki National Organisation (KNO)/Kuki National Army (KNA) wa ka KNO/Kuki Liberation Army (KLA).

Hawa kynreh ya kani ka thaw da chem ya 17 ngut kiwa pynleh kam ki Registered SoO Cadres deiwa pynemkaam da ki kot ki sla wa chna thok.

Na kini ki 17 ngut, 8 ngut toh kiwa pynleh kam ki dkhot ka KNA wa 9 ngut kam ki dkhot ka KLA kiwa da kem noh da ki pulit.

Related posts

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Na kani ka thaw da yoh wow kem ya palat 24 tylli ki tiar yasiat, 38 tylli ki tadong kuli (Magazines), deilang ki kuli, ki tiar pynpdung, ki riam yaleh thma (Combat Gear) wa ki Wireless Communication Equipment.

Ka takit dang lai ko chakhmat yow tip kammon kiwa pynlai ya kani ka Camp ym em ye ki wow khanglaad ya kini hadooh wow em kini ki tiar yaleh deiwa tyngkheiñ ya ka soskular.