Kat ha u Naikhynde 2026 ye u mankaam noh ka Shillong Medical College wei ha u 2027 won sa ha Tura

Ka Montri wa pait ya ka chnat i chait i khiah, ka Dr. M. Ampareen Lyngdoh da ong ko wa lada lai bait ki kaam kamwa da thmu, ka Shillong Medical College daw mankaam ko ha u Naikhynde 2026 wei ka Tura Medical College la kammon kammon ha u snem 2027 wei da ong ko leh wa kamwa man kattæ ini i thmu toh iwa lai bait.

Da pyntip ko leh wa ka sorkar jylla da khut yalang ko yow bichaar yei lai i kaam yow chna ya ki ar tylli ki Medical College ha Meghalaya.

Ka Montri da ong wa i kreh ya ka Tura Medical College toh iwa da lai chakhmat wei da wei da em leh i tkoh kajiak yei chna tangwa da ye wow pynbait deiwa chimkhia u Montr Rangbah uwa da khut ya ka yalang hapyrdi ka chnat PHE, Power wa PWD.

Hawa yatoh won wa ka Shillong Medical College, ka Dr. Ampareen da ong ko wa i kreh da lai smat bha wei da emkaam wow pynsamt chooh chooh yei kreh wa kynthup yow chna ya ki thaw sah neibynta kiwa sikai wei ka sorkar daw hap ko wow pait leh ya ki Service Rules yong ki Doctor khnang wa ki Doctor kiwa da stat yow ye ki leh wow hikai.

Related posts

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Ym du ha Garo tangwa ka Meghalaya waroh da yoo yei kylla hapoh ka NPP, ong ka MLA wa thymme ka Gambegre

November 23, 2024

Da khana ko leh wa ka sorkar da yaklam ko wa kiwa boon ki Doctor yow hikai ha ki Medical College ka jylla wa kynthup ya ki Doctor wa da chong-ngiah yong ki chipai.