Ka yung krehkaam ka Director of Health Services (MI) ka sorkar Meghalaya da pynbna paidbah ko wa da pyndam ya ka Walk-In Interview kawa da pynbait wow pynman haka 22, 23 wa 24 tarik uni u bnai ha Shillong Centre wa haka 22 wa 23 tarik uni hi u bnai ha Tura Centre kamwa da pynbna ini wa dep lyngba ka Notice No. HSM/NS/18/2023/6287.
Da pyntip wa kani ka Walk-In Interview u man ko kawa da pyndam hadooh wa pynbna won da kamwi.
Kani ka Walk-In Interview toh neibynta 325 tylli ki kreh wa lait yow man kam ki Staff Nurse kawa dei kreh Contractual Basis neibynta ka 11 bnai chwa wei kawa ye u pteiñ won hadien wei ka tulop man ko Rs. 30,000 chi bnai.
Hadien wa pynbna ya kani ka Walk-In Interview neiliang ka KSU da thoh ko cha ka DHS(MI) wow pynyoo lang yei Marks wa yoh kiwa chah jied yow man kani ka thung kreh kawa khooid yow lait u em kiwa chah khut deiwa em ki bru wa em hei bor wa kyrchaan ki.
Discussion about this post