Ka KSU da thoh ko cha u Director ka Directorate of Health Services (MI) ka sorkar Meghalaya yow dawa pynche yei rukom khut Walk-In Interview neibynta u yalehke kreh yow man kam ki Staff Nurse.
Ka seiñ da ong ko wa da yoh ujor ko na kiwa boon wa ki pyrtuid yong kiwa chah khut cha kani ka Interview toh i wym em khooid wei ye u man wa em na kiwa mih pyrtuid toh du neidaw wa em kiwa em hei bor wa yarap ya ki.
Da ong leh wa da em kiwa mih pyrtuid ki wym em biang kyrdan katkam wa da booh kyndon hapoh ka Advertisement katwa kiwa da biang kyrdan won ym em mih pyrtuid ki.
Kamtæ da dawa wow pynyoo lang wei Marks kiwa chah khut cha kani ka Interview yow man ko kawa khooid.
Ka seiñ da kylli ko wa lada kani ka Interview kawa yow thung kreh da ka Contractual Basis donhi daw yah namo ym yah chei thung kreh pura hadien habood wei lada daw leh kamtæ, toh u pynsangeh yeini i thung kreh.
Kam wow pynkynmoo wa kini ki kreh toh kiwa em 325 tylli kiwa lait ha waroh kawi ka jylla heiwa kiwa boon dooh ki kreh wa lait toh ha West Jaiñtia Hills kiwa 51 tylli wei i kreh u man ko neibynta 11 bnai chwa kam wow sdang wei ye u pteiñ won ya ka Contract.
Kiwa yaleh yeini i kreh toh u pyndep ki yaka B.Sc Nursing næ ka General Nursing & Midwifery (GNM) wei toh u man ki kiwa da dep kreh ar snem wei ka tulop u yoh ki toh Rs. 30,000 chi bnai.
Puræ leh: Ki tarik pynman Walk-in Interview ya 325 tylli ki kreh Staff Nurse wa lait hapoh ka DHS
Discussion about this post