U President ka Voice of the People Party (VPP), u Ardent M Basaiawmoit da ong u wa kamwa ki paidbah da e ki yei chaniah, ka Party daw khyndang ko yei baam tooh wa joor hapoh ka jylla wei kamjooh wow yakhun pyrchah yei dooh i duk.
Da ong u wa ka Party daw yakhun ko leh pyrchah yei chah leh chiliang khmat.
Hawa klam ynne ka sngi wa kiwa thoh khubor, u Ardent da e ngooh u ya u Blai uwa da yah chei jop em burom u kyrtong ka VPP ha kani ka Election MP na Shillong Parliamentary Constituency wei kamjooh ya ki paidbah.
Ha iwi i liang da ong u wa lada cha kiwi ki jylla da wanrah da ka Enforcement Directorate (ED) wa ka CBI, u MP ka VPP leh daw yasaaid u wa ka sorkar India yow wanrah cha kani ka jylla yow khyndang yei baam tooh.
Da ong u wa i jop MP ka VPP da man ko wow kynmoo yanom heiwa ki paidbah da wanrah ki yei kylla wei da ong u wa ki paidbah ym chaniah de ki ya kani ka Party wa kiwi de wa em hei synchaar lang hapoh kani ka sorkar.
Discussion about this post