Knieh u Saleng yei bor na kti ka NPP ha Tura

U MLA wa katni na Gambegre, u Saleng A. Sangma da man u kam u MP wa thymme ka Tura Parliamentary Constituency deiwa yoh 3,83,919 iwa man 56.96% ki Vote.

U Saleng da pynrem u ya ka kyrtong ka NPP, ka Agatha K Sangma da 1,55,241 Vote kawa yoh 2,28,678 Vote iwa man 33.93%.

Hei wa le da em u kyrtong ka AITC, u Zenith M Sangma uwa da yoh 48,709 Vote iwa man 7.23% katwa u kyrtong samen, u Labenn CH Marak da yoh u 6910 Vote.

Ini i knieh u Saleng ya kani ka chuki na kti kiwa ha-yung u Purno A Sangma da man ko hadien palat 40 snem wa ksoh ki yei bor.

Related posts

Booh mooyurim u VP ka yingkieñ wa pynyabi ya ka East Khasi wa West Jaiñtia | Ki kreh wa chongdor palat Rs. 1000 klur deilang

September 8, 2026

Ym em silet wei ym paan maap, ong uwa pynyap ya ka kurim | Maham u leh wow pynyap sa ya uwi u bru

September 8, 2026

Iwa rap phylla leh wa wot ka Constituency u Conrad K Sangma, ka South Tura leh da thap ki cha ka Congress kamjooh kiwi de ki Constituency wa khlan ka NPP leh da lai ki cha ka Congress kam ha North Tura.

Sa iwi wa ktah bha ya ka NPP ha Tura toh yei kyrchaan ka BJP ya ka heiwa ka Congress da lai yalap Election ko deiwa ong i thap cha ka NPP toh i thap Vote cha u Modi.