Ym em pynbor ya ki College wow pynyabi ki wa ka State University, pynche u Conrad

U Montri Rangbah ka jylla, u Conrad Kongal Sangma da ong u wa da em i sñiawthooh bakla yei pynbna ka sorkar wa ki College kiwa em ha ka jylla hap ki wow pynyabi noh cha ka Capt. Williamson Sangma State University.

Hawa pynche yeini da ong u wa hadien wa em ka Common University Entrance Test (CUET), kiwa boon ki College wa pynyabi wa ka NEHU da hap bait kiwa lai puræ wow yakhun CUET.

Da ong u wa ka jylla ym em ko ya ka State University kattu la 50 snem neidaw wa da em ka NEHU, tangwa lada ki College kiwa em ha ka jylla lai pynyabi ki wa ka State University ym emkaam de wow yakhun CUET.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Chooh chooh da pynche u wym em pynbor ya ki College kiwa em ha ka jylla wow pynyabi ki wa ka State University tangwa da e laad bait hei mon wa laitlooid ki College.

Da ong u leh wow pynyabi cha ka State Univeristy u man ko kawa suk wei ka sorkar daw booh ko leh ya ki Campus yong ka State University ha kylleiñ ki bynta ka jylla wei daw booh leh ya ka thaw krehkaam wa pura.