Mih syndet ka manbei hakhmat Secretariat yow chah thngan deiwa dawa pynchna ya u sarok

Kawi ka manbei wa tip pyrtuid kam ka Bindas Syiem kawa na thaaiñ Umden, Ri-Bhoi District, da mih ko samen samen yow dawa na ka sorkar yow chna ya u sarok Nongpoh -Umden-Sonapur, wei da maham ko leh wa lada ka sorkar ym ap ko yeini i dawa daw chong chah thngan ko hadooh wa yap.

Mar ya yoo ya katai ka manbei kawa da lai chong ha khyrdop yong ka Secretariat, neiliang ki pulit da lai ki wow beh noh ya ka, tangwa kani ka manbei da pyn-eh ko deiwa ong wa da jied khnang ko ya katai ka thaw khnang wa ki Montri sorkar u yoo ki yeiwa dawa wei yei emkaam yong ki paidbah.

Related posts

Chah pynkup burom ka tymmen wa kah ya ka Scooty ha Footpath

February 14, 2026

Pynman yakhih da ki khynroo ha Bangladesh tangwa ya ka Election jop da ka Party warim

February 14, 2026

Hawa kylli, ka Bindas da khana ko wa i chah ieh beiñ u sarok ha ka thaaiñ da man ko kattu la kamwa 15 snem.

Kam wow kdaw heini wa kiwa chong chnong ka thaaiñ Umden, wa kynthup ki seiñbhalang waphær waphær deilang wa ki Synjuk ki Rangbah Shnong, neipor cheipor da dawa ki na ka sorkar wow chna pynbha noh ya u sarok Nongpoh-Umden-Sonapur uwa jæd phrai tangwa hadooh katni ym em mankaam.