U sarok Nongpoh-Umden-Sonapur toh uwa da ki spah klur wei da dep booddien, ong u Mayralborn

U MLA ka Nongpoh Constituency, u Mayralborn Syiem da ong u wa kam uwa mihkhmat da booddien bha u heiyatoh wa u sarok Nongpoh-Umden-Sonapur, nadooh wa mar sien man u kam u MLA.

Da ong u wa ini i kaam ymtoh iwa suk neibhah toh uwa jrong bha hadooh kamwa 58 Km, wei ka kyrchaan poisa man ko leh neibynta ki ar bhah namo ki Phase, kawa na ka chnat DoNER yong ka sorkar pyrdi wa lyngba ka World Bank næ PMGSY.

Related posts

Da phah ya ki pulit ka Delhi wym toh u pynlut phut yei phniang kari hadooh i bordiñ

May 17, 2026

Sdang ka sorkar ya soo tylli ki Scheme thymme wow e sikai wei yarap pynyoh kreh

May 17, 2026

Kamtæ da ong u wa ymtoh iwa suk tangwa daw pyrchang neibhah i lut man ko da ki spah klur wei pynsñiaw u leh wa katni dang lai chakhmat yow pynbait ya ki kot ki sla, wei da khana u leh wa neiliang ka sorkar da kular ko wow chimkhia yeini i kaam hadien wa pynkut noh ya ka Model Code of Conduct.

Heiyatoh wa i chah thngan ka manbei kawa na thaaiñ Umden, ka Bindas Syiem ha Shillong, u MLA da ong u wym ye u leh iyi iyi neibhah em ki ya ka hok wa laitlooid wei da pyn-eh-daw u ya kani ka manbei yow mankaam iwa dawa ko.