Uwa yah Truck wa chah tynyap toh uwa chah kem deilang wa u diah u I Love You

Ha u Wisu (Mar), 2023 da em i jia wa wiar uwi uwa yah ya ka kari Mahindra Pickup ha ka 10 tarik uwa tip kam u Pynkhreh Surong wei hadien wa takit ki pulit da kem nyngkong ki ya u Meban Talang uwa man leh u diah u I Love You Talang wei hadien da kem sa ya u Sambun Dkhar uwa na chnong Mynsngat wei rap hadien da kem sa uwi uwa tip kam u Jimmy Kyndait.

Hadien i takit ki pulit, da lai yah u Meban Talang wa u Sambun Dkhar chei thaw wa noh ki yei metyap u Pynkhreh Surong ha iwi i khloo wa em hajan Pommura, Mawryngkneng, East Khasi Hills.

Katwa ya ka kari u Pynkhreh won da chem na chnong Rangshken, East Khasi Hills.

U Sambun Dkhar uwa kreh katni kam uwa yah Truck da chah tynyap u ynnin i miet ha i thaw wa tip kam i Umsuwe wa dang haap ha Ladmukhla ha i khloo khian wa em mar pyrchah ka Pnar Service Station deiwa chah dat chah bom u deiwa joor bha ha ki bru wym tipmit hadien wa mih i ya kajia.

Related posts

Chah thombor ka khynnah wa dang 6 snem | Wan pynlait ka manbei, yut u bru wa thmu leh sih

January 18, 2026

Kem ki pulit ya ar ngut ki khynroo chirup ka Pistol wa i drugs

January 18, 2026

Hawa kylli na u waheh chnong ka Mynsngat, da pyntip u wa u Sambun Dkhar du hapoh le bnai nadooh wa chah kem, yoh jamin wot u wei kam ka chnong leh da dep pynman dorbar ko wym sñiawsuk ki wow em u hapoh ka chnong wei ym jooh em hi de yoo ki oo hapoh ka chnong wei ymtip de ki cheiwon sah u wei iyi kreh u katni.

Da pyntip u leh wym em khang yei wanrah yei metyap u Sambun kamjooh yow pyndep ya ka niam ka rukom hapoh ka chnong.

Puræ leh: Chah tynyap dusmon uwa yah Truck uwa na Mynsngat