Ka India Meteorological Department, Meteorological Centre Shillong da pyntip ko wa u slap daw pteiñ u hadooh ka 16 tarik uni u bnai ha kylleiñ ka jylla.
Ha ka 14 tarik u slap wa joor daw hiar u ha East wa West Jaiñtia Hills deilang ka East Khasi wa South West Khasi Hills wa ha North Garo Hills wei daw emlang u kdur waka lailieh katwa ha kiwi ki District daw hiar u slap malu mala.
Ha ka 15 wa 16 tarik u slap wa joor daw hiar u ha waroh ki District ka jylla.
Ynnin u slap wa joor dooh toh ha ki thaaiñ Khliehriat kiwa da yoh kamwa 20-40mm u slap.
I chit wa joor dooh toh ha Ampati da 35.7° Celsius, ha Resubelpara 31.8° Celsius, ha Mynkre 31.3°C, ha Jowai 27.2°C wa 26.8°C ha Shillong.
Discussion about this post