Ka Mawsynram wa ka Sohra kiwa man ki chnong wa jhieh dooh ha pyrthai kiwa pynbnanaam ya ka Meghalaya hi waroh kawi tangwa ha u August uni u snem ka Indian Meteorological Department (IMD) da ong ko wa da duna i yoh ya u slap ka jylla da 359.7 mm na ka 581.6 mm iwa jooh yoh iwa mut wa duna da 38%.
Na ki District, ka West Jaiñtia Hills toh kawa duna dooh i yoh slap iwa duna 75% na iwa jooh yoh, bood sa ka West Garo Hills 72%, ka West Khasi Hills 60% wa North Garo Hills 58%.
Ka East Khasi Hills da duna i yoh slap ko da 42%, katwa ka East Garo Hills wa Ri Bhoi da duna i yoh ki da 22% wei ka East Jaiñtia Hills leh duna i yoh ko da 24% na iwa jooh yoh.
Wa joor dooh u slap toh ha South West Khasi Hills kawa da yoh 155% tam palat yeiwa jooh yoh ko iwa joor dooh na waroh ki District.
Ha u bnai July leh u slap da duna u da 9% na iwa jooh yoh katwa u bnai June won da yoh slap kamwa jooh hi.
Discussion about this post