Da pyndam ya ki Grace Marks wa da e cha ki 1563 ngut kiwa yaleh NEET, daw pynman biang deiwi

Ka sorkar pyrdi ynne da pyntip ko cha ka Supreme Court wa ki Grace Marks yong ki 1563 ngut kiwa yaleh ya ka National Eligibility Cum Entrance Test Undergraduate 2024 (NEET-UG 2024) daw pyndam noh ki wei daw e laad biang ya ki wow chong yaleh ya kani ka Exam deiwi.

Neiliang ka yung bichaar hadien wa sñiaw yeini wa jubab ka sorkar pyrdi, da ong ko wa toh u pynman deiwi ya kani ka Exam neibynta kini ki 1,563 ngut.

Kam wow pynkynmoo wa ini wa dep, ka NTA kawa pynman ya kani ka Exam da thung ko da ka High Power Committee yow pait yei ood i naam kiwa yaleh ya kani ka Exam wei kani ka Committee da ong ko wa ki Marks yong ki 1563 u pyndam noh ki wei daw pynman biang ya kani ka Exam neibynta kini ki 1563 ngut. Tangwa lada ym kwah ki wow yaleh biang ya kani ka Exam daw kheiñ da ki Marks wa da dep yoh chwa ki ha ka Exam wa da pynman ha ka 5 tarik u Naisan, 2024.

Ka NTA da pyntip ko wa ka tarik thymme daw pynbna myntu kawa daw ye u pynman ha kani ka 23 tarik wei ka Result won daw pynbna ha ka 30 tarik uni hi u bnai.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Neiliang u Education Minister ka sorkar pyrdi, u Dharmendra Pradhan da ong u wa daw pynchitom ya kitu kiwa emkti wow pynmih yeini i kulmar wei ka sorkar chimkhia ko yeini kamwa da khana ko hakhmat ka Supreme Court.

Kiwa yaleh ya kani ka mukotduma da ong ki wa ini i rukom leh ka NTA da pyndooh ko yei chaniah ki khynnah wei ynne ka NTA hakhmat ka Supreme Court da pdiang ki wa bakla ki wow e da ki Grace Marks wei daw pyndam noh ki ya kini ki Grace Marks. Da ong ki leh wa boi ye u man dang em kiwi de ki duna ka NTA ki wym pu tip kattæ.