Pyrchah ka GSU yei thmu wow pynkylla ya ka Reservation Policy

Ka Garo Students’ Union (GSU) da thoh ko cha ka Expert Committee kawa da thung yow pait deiwi ya ka State Reservation Policy ka Meghalaya deiwa ong wym toh u pynkylla wei wow pynneh kamjooh ya kani ka Reservation Policy.

Da e daw wa ki Garo dang man ki kiwa dang sahdien hapoh ka ri wot hadien wa da yoh da ka jylla yong i hi wei dang emkaam ki yei hok ha ka puræ puthi wa i thung kreh sorkar wei da e 40% cha ki Garo yow pyntikna wym sahdien ki.

ADVERTISEMENT

Da kdaw leh wa yow poi cha kani ka thong, ka High Court ka Meghalaya da pynmih ko ya ka hukum wow pynkrehkaam da ka Roster System hadien 52 snem.

Da ong leh wa ini i dawa wow pynkylla ya ka Reservation Policy toh i kaam Politics yong kawi ka Party deiwa kam wa man ko neibynta u pynman salonsar tangwa khlem pyrkhat yei hok ki Garo neibhah kwah ki wow myntoi du ya ki donhi.

Related posts

Mynjur ka sorkar ya ka Policy wow yarap ya kiwa chna phlim deiwa e hadooh ₹1 klur ka Subsidy

July 10, 2025

Mynjur ka sorkar yei rukom pynchitom deiwa pynkhooid Hospital, skur, jhep ya kiwa tyngkheiñ aiñ

July 10, 2025

Da e nongmuna leh wa em 15,157 tylli ki kreh sorkar hadooh ka 31-03-22 kiwa man neibynta ki Garo ki wym em yoh ki wei da emkaam wow pynyoh ya kini ki kreh neibynta ki Garo tangwa ka sorkar ym nood ko wow leh yeini neidaw wa tieñ ko ya mih i yakhih.

Kamtæ da ong wa ini i dawa wow pynkylla ya ka Reservation Policy toh i thmu ki Khasi-Jaiñtia wow yoh ya ka bhah kawa rap heh hanla ki da em chwa ki ki thaw puræ wa biang, ki laad yoh khih wa ki laad kamai kajih.

Yow pynyoo yeini wym yoh yei hok, da e nongmuna wa wot hadien wa pynkrehkaam ya ka Roster System, ini wa dep hawa yaleh kreh JDA da em ki Garo wym em yoh yei bhah yong ki wei ini da jia i da boonsien nadooh nachwa.

Kamtæ da ong wa kam ki Garo hun ki wow pynneh ya ka Reservation Policy deiwa kheiñ 40% ya ki Garo wa 40% ya ki Khasi-Jaiñtia.