U Robin Hibu uwa man kam u Indian Police Service (IPS) wa nyngkong dooh ka Arunachal Pradesh, uwa man katni kam u Chairman of Vigilance, Transport Safety Wing wa kam u BOF Recruitment Office ka Delhi Police da pynku kyrdan ya oo kam u Director General of Police (DGP) da ka chnat pohyung ka ri.
U Robin toh u 1993 Batch ka IPS yong ka AGMUT (Arunachal Pradesh-Goa-Mizoram and Union Territories) Cadre.
Da jooh man u leh kam u Joint Commissioner ka Delhi Police neitæ da jooh man u leh kam u Chief Security Officer ka Rashtrapati Bhavan, u Special Commissioner ha Delhi Police wei da seiñ u ya ka NGO ‘Helping Hands’ wow yarap ya kiwa na thaaiñ mihsngi ka ri khamtam ya ki kynthai kiwa maad ya iwa boon i chitom wei da thung ya oo kam u Nodal Officer for North East People ha Delhi Police.
Da jooh yoh u leh boon ki khusnaam kam ka President of India Police Medal ar sien ha u snem 2017 wa 2010, ka Ati-Utkrisht Seva Padak na ka sorkar India, ka ‘Achiever Award’ ha u 2022 wa ka ‘Excellence in Public Service’ da yoh u leh wot ka UN Peace Medal yei lai chakri u ha Bosnia wa ha Kosovo ha u snem 1998-99 wei ha Delhi da tip ya oo kam u ‘Super Cop’.
Da jooh man u kam u SP ha ki 4 tylli ki District ka Arunachal Pradesh wa u IGP ka Arunachal Pradesh.
Ka sorkar ym pu em pynbna ko lada daw chimkti u kam u DGP yong kawon ka jylla.
Discussion about this post