E u neh 40% ya ki Garo, pynku 50% ya ki Khynriam, Pnar, Bhoi, War, Maram wa Lyngngam: KSU

Ka KSU da thoh ko cha ka Expert Committee kawa da thung yow pait deiwi ya ka Reservation Policy deiwa ong wa emkaam wow e noh 50% ya u Khynriam, Pnar, Bhoi, War, Maram wa Lyngngam katwa ki Garo u neh ki kat jooh iwa 40%.

Ka KSU da phah ko san tylli ki phang wei kawi na kini toh wa kamwa man kattæ 40% da e cha ki Garo, 40% cha ki Khasi-Jaiñtia, ya kawa sah ka 20% da e 5% cha kiwi ki ST wa SC katwa ka 15% won toh neibynta waroh kiwa sah ha Meghalaya khlem da kheiñ jaitbru. Kamtæ ka KSU da ong ko wa emkaam wow pynbait noh kajiak yei rukom bhah yei thung kaam thung jaam neibhah ki jaitbru Khasi da heh paaid ki ya ki Garo wei da toh u bhah noh 50% ya ki Khynriam, Pnar, Bhoi, War, Maram wa Lyngngam, wei ki Garo toh u neh ki kamjooh itæ 40%. Katwa iwa sah won, itæ 10%, u phiah noh 5% cha kiwi won ki ST/SC ka jylla wa 5% won toh u man ko ya kiwon kiwon kiwa chong chonng ka jylla.

Ha ki District ka Garo Hills wa boon ki Garo wa ki District ka Khasi Hills wa Jaiñtia Hills wa em ki Khynriam, Pnar, Bhoi, War, Maram wa Lyngngam, i thung kreh ha ki District toh u man ko 90% ya kitu ki tre chnong iwa mut cha Garo u yoh da ki Garo katwa cha Khasi-Jaiñtia u yoh 90% da kiwa chong chnong ki Khasi- Jaiñtia.

Hawa pynkrehkaam ya ka Roster System ymtoh u kheiñ nadooh i por warim wei toh u kheiñ neini chakhmat katkam wa da mang thymme.

Related posts

Im biang u bru chwa u thang uwa da pynbna ki Doctor kam uwa da yap

November 23, 2024

Chah ieh iwi i khonboo hapoh ka Cradle Point

November 23, 2024

Kawi won ka phang toh heiyatoh waka puræ puthi ha ka kyrdan Secondary heiwa ya kiwa sikai toh u e bait 100% cha ki Garo wa sikai ha Garo Hills wa 100% cha kiwa sikai ha Khasi wa Jaiñtia Hills.

Heiyatoh wa ki kaam wa dang sah wa da booh bhah, da ong wym toh de u rah ki chakhmat neibhah daw ktah ko ya ki khynroo khyllood kiwa dang thooh kreh. Da e nongmuna wa lada ki Khasi-Jaiñtia ym ye ki wow pyndap ya 50% ki kaam kiwa lait, ya kini ki kaam kiwa sah ymtoh de wow rah kam ka Extra Percentage hawa pynmih Advertisement kaam kiwa hadien. Kamjooh leh lada ki Garo ym ye ki wow pyndap pura ya ka 40%, ya ka bhah wa dang sah ymtoh wow kheiñ pyntam manda pynmih ha ki Advertisement hadien.

Ini mut i wa kitu ki kaam wym em wa ye u pyndap lada toh i bhah ki Garo næ Khasi Jaiñtia toh u khut Advertisement da kawa thymme yow pynman Exam biang deiwi katkam ka bhah ka Reservation Policy.