Ka HITO da phah ko yei pynsñiaw yong ka heiyatoh waka State Reservation Policy deiwa ong wa kani ka Policy toh kawa neibynta i thung kreh tangwa da pynkrehkaam ka manda yabhah yei thaw puræ ha ki kyrdan wa heh hanla ym em da kdaw che da ki kyndon wa ye u leh kamni, kamtæ lada leh kamni toh u kdaw che wa ka Reservation Policy u krehkaam ko wot neibynta kiwa lai puræ.
Heiyatoh won wa i rukom bhah kreh, da ong wa toh u pait katkam i boon paaid næ deiwa kheiñ bait 80% neibynta ki Khasi, Jaiñtia wa Garo.
Hajrong i bhah kreh won ha ki District wa ha ki Sub-Division, katni da booh bhah bait 80% ya ki Khasi, Jaiñtia wa Garo wei i kreh da e cha kiwa man kam ki tre chnong kiwa chong wa sah pura ha jar jiar ki District, neiliang ka HITO da ong ko wa kani ka 80% toh u man ko leh neibynta ki Khasi, Jaiñtia wa Garo kiwa na kiwi ki District ka jylla wei wow pyndam noh yei kyntien wa ong u e kreh ya kiwa man kam kiwa chong chnong wa pura kitu ki District.
Kawi won ka phang toh neibynta ka 10% Unreserved General Category heiwa da ong wa kiwa yaleh ya kani toh u man ki kiwa kha hapoh Meghalaya, kiwa lai puræ ha Meghalaya ym duna ya 5 snem nadooh na ki Anganwadi/Pre-School hadooh ki Secondary School iwa toh u poi 15 snem waroh katkam ka kyndon ka National Education Policy 2020.
Discussion about this post