E 93% cha waroh ki ST næ 50% ya ki Khasi-Jaiñtia: HYC

Ka HYC hawa phah yei pynsñiaw yong ka heiyatoh waka State Reservation Policy ka Meghalaya, da ong ko wa hapoh kani ka Policy da yabhah ko ya ki Scheduled Tribe ha ki le tylli ki bynta kitæ ki Khasi, Jaiñtia wa Garo wei da em leh sa kiwi ki Scheduled Tribe Category wei ini i rukom yabhah namo ka Sub-Classification ya ki ST kamjooh ki SC katni dang chong bichaar da ka Supreme Court hajrong ka mukotduma wa yaleh ha jylla Punjab wei ka Supreme Court katni dang yang ko wow e yei bichaar, kamtæ ka Expert Committee toh u yang ko ya ka rai wa chim kani ka yung bichaar.

Lada ym khang ka Supreme Court, toh u kheiñ deiwa boon bru heiwa 50% toh u e cha ki Khasi-Jaiñtia katwa ki Garo toh u neh ki 40% katwa cha kiwi ki ST toh u e 3%, tangwa lada khang won ka Supreme Court yeini i rukom yabhah jaitbru, toh u bhah noh deiwa kheiñlang 93% neibynta ki ST ka jylla neitæ 2% cha ki SC wa 5% won kam ka Unreserved Category.

ADVERTISEMENT

Ki kreh won wa thung ha ki District toh u pynneh yeiwa da leh katni tangwa wow pynku noh yeini cha ka 93% neibynta ki ST ka jylla kiwa em ha jar jiar ki District neitæ 2% cha ki SC wa 5% won neibynta ki Unreserved Category.

Da ong leh wa katni da booh lang ya kiwi ki ST wa SC ha kawi donhi ka bhah kawa 5% wei yeini toh u pyndooh noh deiwa e 3% cha kiwi ki jait ST wa 2% cha ki SC heithaw u kheiñlang 5%.

Related posts

Pyndam noh ka sorkar yei emkaam wow pynman Personal Interview hawa yaleh kreh

July 10, 2025

Lehkmen ka ABVP yei dap 77 snem deiwa pynman da ka Mini Marathon wa kiwi de ki jait yakob

July 10, 2025

Da kdaw leh yei emkaam wow em ka Reservation wot ha kiwa kreh kam ki Casual Worker, kiwa kreh Contractual, ki wym toh kiwa kreh pura ka sorkar næ kiwon kiwon ki karkhana ka sorkar lada thung kreh ya ki palat 30 sngi wei lada daw pynjrong yei thung kreh ki.

Ymtoh leh wow rah chakhmat yei bhah kreh lada ym em wa yoh yei kreh iwa mut wa ymtoh wow e yeini i bhah cha kiwi.

Ha ki skur SSA, ADHOC wa Deficit wa kynthup ya ki thaw puræ wa yoh yarap na ka sorkar toh u booh bhah 93% ya ki ST, 2% yak i SC wa 5% ya ki Unreserved Category. Wei emkaam leh wow em da ka aiñ neibynta kiwa sikai ha ki thaw puræ sorkar wa ki thaw puræ wa yoh yarap na ka sorkar heiwa 93% toh u lai cha ki ST, 2% cha ki SC wa 5% cha ki Unreserved.

Heiyatoh won wa i bhah ya kiwa lai puræ, ymtoh u krehkaam ka Reservation Policy ya kiwa lai puræ cha ki kyrdan wa heh cha baar ka jylla da ka Government Quota wei neibynta ini toh u wanrah da kawi won ka aiñ heiwa 93% toh u man ko neibynta ki ST, 2% ya ki SC wa 5% ya ki Unreserved.