Ka seiñ Hynñiew Trep Achik National Movement (HANM) hei pynsñiaw yong ka cha ka Expert Committee heiyatoh waka State Reservation Policy ka Meghalaya, da ong ko wa emkaam wow e bhah 10% cha ki bru wa dooh wa duk, kiwa im cha ki thaaiñ cha kdong cha palatsor yow yarap pynku ya ki.
Ka HANM hawa e ya ki le tylli ki phang da ong ko wa i yabhah 40:40 toh kawa da neh da slem kattu iwa da pynthut pathan yei ku ka jylla neibhah wot kiwa yoh Marks duna bha leh yoh ki wow lai puræ Doctor puræ Engineering wei ini da pynwiar ko ya itæ i mynsien yaleh yow yaknieh u poi chakhmat hapyrdi ki khynroo khyllood, kamtæ da emkaam wow pynyakhun bait da ka 80% neibynta ki jaitbru wa heh paaid ka jylla.
Da ong leh wa ka Reservation Policy toh kawa da phiah ya ki jaitbru tre ri ka jylla kamtæ da emkaam u pait noh ya kitu kiwa dang tlot kiwa im deiwa duna ha waroh ki liang na ki jaitbru wa em hapoh ka jylla.
Chooh chooh da ong wa ka thong hi yong ka Reservation Policy toh yow pynku ya kiwa dooh wa duk wei dadep yarap ko wow pynku ya ki kattu katni ki manyung tangwa emkaam wow booh bhah ya 10% ka Reservation neibynta kitu kiwa im cha ki thaw wa em cha kdong, kiwa jngai na sor, kiwa dooh wa duk ki wym ye u yaleh yakob wa kiwi neidaw wym ye ki wow yoh ya ka puræ puthi wa biang wei kani toh ka yurim wa hap yieñ ka Reservation Policy yow pynku ya kiwa dooh wa duk heithaw wow pynku ya kiwa da ku chwa hapoh ka imlang sahlang.
Kamtæ da ong wa hap wow pyrkhat yei myntoi ki bru ka Ynñiawtrep kamjooh leh ki Achik khlem da phiah ya ka jylla deiwa pait ya ki jaitbru.
Discussion about this post